ہر آنگن میں اترا، گلرنگ سویرا ہے (کرسمس گیت)

حمید ہنری مسیحی شاعری مطالعات: 55 پسند: 0

ہر آنگن میں اترا، گلرنگ سویرا ہے

کہ نوُرِ خداوند کا چرنی میں بسیرا ہے

آیا ہے مسیح اپنا، دنیا میں ہے دھوم مچی

مہکا ہے چمن سارا، ہر ڈالی جھوم اٹھی

نہ جانے بہاروں نے رنگ کیسا بکھیرا ہے۔۔۔کہ نورِ خداوند۔۔۔

وہ کلمہ خداوند کا، وہ مولا جہانوں کا

خود صورتِ انساں میں انساں کے لئے آیا

چرنی کے ستارے سے سب دور اندھیرا ہے۔۔۔کہ نورِ خداوند۔۔۔

امبر سے فرشتوں نے یہ مژدہ سنایا ہے

جو بخشا گیا ہم کو، وہ بیٹا آیا ہے

دنیا کی ہر اک شئے کو خوشیوں نے گھیرا ہے۔۔۔کہ نورِ خداوند۔۔۔

واپس جائیں