بشپ اندریاس رحمت

حمید ہنری صریرِ خامہ مطالعات: 56 پسند: 0

حمیدؔ ہنری صاحب ہمارے عہد کے ایک نامور لکھاری اور ادیب ہیں۔ خدا نے انہیں بے شمار خوبیوں سے آراستہ کیا ہے ۔وہ بیک وقت معلم، مترجم ، محقق اور شاعر ہیں۔ ان کی کئی کتب اردو اور انگریزی زبان میں منظر عام پر آچکی ہیں ۔ مجھے ان کے ساتھ کافی عرصہ سے کام کرنے کا تجربہ ہے۔ وہ بہت محنتی ، فرض شناس اور علم دوست انسان ہیں۔ وہ کافی عرصہ سے ریڈیو پاکستان کراچی اور ٹیلی ویژن کے لئے کرسمس ، گڈفرائی ڈے اور ایسٹر کے لئے پروگرام لکھتے رہے ہیں۔ اس طرح انہوں نے مسیحی تعلیم کے لئے خاص خدمات انجام دی ہیں، جن کے لئے وہ مبارکباد اور ستائش کے مستحق ہیں۔
حال ہی میں انہوں نے مجھ سے اپنی شاعری کی کتاب کا ذکر کیا۔ تو میں نے ان سے یہ کتاب دکھانے کو کہا اور دیکھ کر حیران ہوا کہ یہ اتنی عمدہ شاعری ہے جس میں کرسمس، گڈ فرائی ڈے اور ایسٹر کے بہت سے گیت ہیں ۔جنہیںمشہور موسیقاروں نے کمپوز کیا اور نامور گلوکاروں نے گایا ہے۔ اس کے علاوہ انہوں نے بہت سے قومی اور دیگر موضوعات پر بھی طبع آزمائی کی ہے۔ان کی کتاب کا مسودہ پڑھ کر میں نے فوراً فیصلہ کیا کہ اسے شائع کر کے مومنین کے سامنے پیش کیا جائے۔تاکہ انہیں معیاری اور دلکش شاعری پڑھنے کوملے۔مجھے حمید ہنری صاحب کی کتاب ’’گیت گاؤں گا میں ‘‘ کوقارئین کے سامنے پیش کر کے دلی خوشی ہو رہی ہے۔ میں امید کرتا ہوںکہ اس کتاب میں شامل گیت ان چرچ کوائرز کے لئے بہت سود مند ثابت ہوں گے جو نئے نئے گیتوں کی تلاش میں رہتی ہیں ۔
میں حمید ہنری صاحب کا کاتھولک ادارۂ ادبیات ،پاکستان کی طرف سے شکرگزار ہوں کہ انہوں نے ان گیتوں کو شائع کروانے کے لئے ہمارا انتخاب کیا۔ میری دعا ہے کہ خدا ’’گیت گاؤں گا میں ‘‘ کی اشاعت کے ساتھ ہی کاتھولک ادارۂ ادبیات ،پاکستان کو مزید فعال بنائے تاکہ پاکستانی کلیسیأ مزید مسیحی ادب سے فیض یاب ہو سکے۔

بہت سی دعاؤں کے ساتھ

بشپ اندریاس رحمت
بشپ آف فیصل آباد ڈایوسس
چیئرمین ،کاتھولک ادار ۂ ادبیات ،پاکستان
5 فروری 2021

واپس جائیں

MAP سلور جوبلی گیت عارف پرویز نقیب

فاختہ بائبل اسٹڈی ٹولز

جلد متوقع مشمولات

بشپ اندریاس رحمت

حمید ہنری کی مزید نگارشات

اشعار

صریرِ خامہ

غزلیات

قطعات

مسیحی شاعری

مکمل تعارف

نظمیں

پنجابی

گیت