رات تاروں بھری، دن ہے کتنا حسیں

حمید ہنری گیت مطالعات: 31 پسند: 0

جی اٹھا ہے مسیحا خدا کا یمیں

جی اٹھا، جی اٹھا، جی اٹھا ہے مسیح

اس زمیں سے پرے آسمانوں تلک

اس جہاں سے بھی اگلے جہانوں تلک

یہ ہمارا عقیدہ، ہمارا یقیں

جی اٹھا ہے مسیحا خدا کا یمیں

کلوری ظلمتوں میں اجالا بنی

موت خود زندگی کا حوالہ بنی

یہ حقیقت ہے کوئی فسانہ نہیں

جی اٹھا ہے مسیحا خدا کا یمیں

معجزہ کیا ہوا؟ موت بھی جی اٹھی

پھر امیدوں بھری زندگی جی اٹھی

رقص میں آسماں، رقص میں ہے زمیں

جی اٹھا ہے مسیحا خدا کا یمیں

واپس جائیں