زِندگی پھُول ہے اور پھُول بکھر جانا ہے

عمانوئیل نذیر مانی غزلیات مطالعات: 56 پسند: 0

خاک نے خاک میں اِک روز اُتر جانا ہے

مَیں مُسافر ہُوں مِرا کوئی ٹھکانہ ہی نہیں

تیری دُنیا سے بھی اِک روز گُزر جانا ہے

اِک ذرا رُ ک اے قضا آتا ہُوں تیری جانِب

مَیں یہی سوچ رہا تھا کہ کدھر جانا ہے

تُجھ کو بھی خیر سے جانے کی بڑی جلدی تھی

تیری یادیں بھی تو جائیں گی جدھر جانا ہے

کیوں بتاتا نہیں دُشمن سے مَراسِم ہیں تِرے

کیوں بتاتا نہیں مُجھ کو بھی اُدھر جانا ہے

آج کی رات گُزاروں گا تِری مَحفِل میں

رات کٹنے دے مُجھے وقتِ سحر جانا ہے

دوڑتے پھِرتے ہیں یہ سانپ بسیرا کرنے

اُڑ گئے ہیں یہ پرندے کہ شجر جانا ہے

دِل وہ معصوم سا بچّہ ہے کہ جِس نے مانیؔ

اُس کے لہجے کی حَلاوَت سے سُدھر جانا ہے

واپس جائیں