ایسا تو کچھ نہ ہوا

عارف پرویز نقیب نظمیں مطالعات: 60 پسند: 0

ایسا تو کچھ نہ ہوا
میں سمجھتا تھا مِری جان پر بن آئے گی
تُو جو بچھڑا
اک قیامت سی میرے دل پہ گزر جائے گی
تو جو بچھڑا
ایسا تو کچھ نہ ہوا
بس ذرا کسک اُٹھی ، ٹیس اُٹھی ، درد اُٹھا
ایسا لگتا تھا رگ قلب کوئی کاٹ گیا
میں سمجھتا تھا کہ سِمٹا ہوں بکھر جاؤں گا
تو اگر ساتھ نہ ہوگا تو میں مر جاؤں گا
ایسا تو کچھ نہ ہوا
بس ترے جانے سے چمٹی تھی میرے ساتھ جو یاد
خون معمول پر آیا تو بڑی دیر کے بعد
میں سمجھتا تھا کہ دنیا ہے مِری ساتھ ترے
مری میراث میں ہیں یہ حسن ترا ہاتھ ترے
ایسا تو کچھ نہ ہوا
وہ ہی دنیا ہے ، وہی شام و سحر کے منظر
بس کے تنہائی ہے ، وحشت ہے مسلط مجھ پر
نہ مرا ہوں، تو نہ بکھرا ہوں ، نہ دیوانہ ہوا
ایسا تو کچھ نہ ہوا

واپس جائیں

گیت خُدا حافظ

فاختہ بائبل اسٹڈی ٹولز

جلد متوقع مشمولات

ایسا تو کچھ نہ ہوا

عارف پرویز نقیب کی مزید نگارشات

اشعار

صریرِ خامہ

غزلیات

قطعات

نظمیں