Fakhta Foundation

کرونا

عارف پرویز نقیب نظمیں مطالعات: 56 پسند: 0

اجل تیرتی پھر رہی ہے ہوا میں
کہ اڑتا ہوا زہر سے اس فضا میں
زمیں گنگ ہے اور آسمان دم بخود
اثر ہے دوا میں نہ کوئی دعا میں
کہاں ’’چُو‘‘ کی دھرتی کا اب دبدبہ ہے
کہ بند ہو گیا جیسے ہر راستہ ہے
ہے لاوز لے‘‘ کی روح بھی پشیماں پشیماں
یہ خطہ عظمت بھی روتا ہوا ہے
’’کو لمبس ‘‘ کی دھرتی بھی نوحہ کناں ہے
جیسے زعم تھا کہ ہر اک شے یہاں ہے
تھا دعویٰ جسے کہ ہے طاقت اسی کی
کرے کیا وہ خود بھی تو از حد حیراں ہے
یہ مغرب کا مغرب ہی زیرِ و با ہے
نہ ’’جرمن ‘‘ بچا ہے نہ ’’اٹلی ‘‘بچا ہے
فسردہ فسردہ سی ہے روح ِ’’نطشے‘‘
کہ ’’گوئٹے ‘‘ کا لاشہ کہیں رو رہا ہے
’’اشو کا ‘‘ کا بھارت لرز سا اٹھا ہے
کہ ہر اک انساں ہی بے بس پڑا ہے
ہے گریہ کناں اب ’’بھگت سنگھ ‘‘ کہیں پہ
کہ ہر گاندھی پر نہرو سہما ہوا ہے
مِری بھی تو دھرتی یہ زیر وزیر ہے
کہ ہو جائے کب کیا یہ کس کو خبر ہے
ہے اب روح ’’قائد ‘‘ فسردہ فسردہ
کہ ہر چہرے پہ چھایا خوف و خطر ہے
ہے تو سب کا رازق تو سب کا خُدا ہے
تیرے سامنے پھیلا دستِ دعا ہے
میرے مولا آفت یہ اب ٹال دے تُو
تُو ہی مارتا ہے تُو ہی بخشتا ہے
یہ کیا ہو رہا ہے کہ اب کیا ہے ہونا
ترے دستِ قدرت میں ہے یہ ’’کرونا‘‘

واپس جائیں

خوش فہم گیت

فاختہ بائبل اسٹڈی ٹولز

جلد متوقع مشمولات

کرونا

عارف پرویز نقیب کی مزید نگارشات

اشعار

صریرِ خامہ

غزلیات

قطعات

نظمیں