وہ خُوش مزاج مِری زِندگی کا حِصّہ ہے

عمانوئیل نذیر مانی غزلیات مطالعات: 53 پسند: 0

اِسی لئے تو مِرے آس پاس رہتا ہے

یہ پیٹ بھر کے جو بچّوں کو نیند آتی ہے

نہ جانے دَرد ہیں کِتنے جو باپ سہتا ہے

امیرِشہر کے چرچے ہیں ساری دُنیا میں

غریبِشہر کا کِس کو خیال آتا ہے

تمام شہر ہے ڈُوبا ہُوا اندھیرے میں

بس اِک چراغ کِسی جھونپڑی میں جلتا ہے

غزل کے شعر جو میرے یہ لہلہاتے ہیں

کِسی کی یاد کا دریا اِدھر سے بہتا ہے

مَیں جانتا ہُوں کہ وہ شخص کِتنا اچھّا ہے

تُو بات بات پہ جِس کی مِثال دیتا ہے

تمام شہر کی آنکھوں میں تُم ہی رہتے ہو

خُدا نے تُم کو غضب کا جمال بخشا ہے

اِسی میں پِنہاں ہے تعبیر مانیؔ خوابوں کی

جو میری آنکھ کی پُتلی میں خواب پلتا ہے

واپس جائیں