قسم درسِ وفا کی ہے، ہمیں کچھ بھی نہیں کہنا

عارف پرویز نقیب غزلیات مطالعات: 73 پسند: 0

فقط ہم نے دُعا کی ہے، ہمیں کچھ بھی نہیں کہنا

۔۔۔

سیئے ہیں ہونٹ سب نے سچ کہیں لب پہ نہ آ جائے

یہ چُپ تو اِک بلا ہے، ہمیں کچھ بھی نہیں کہنا

۔۔۔

مرے جگنو، جلی ہیں تتلیاں، بجھنے لگے تارے

کسی نے کیا خطا کی ہے ، ہمیں کچھ بھی نہیں کہنا

۔۔۔

دیا جلتا نہیں کوئی، بہت تاریک گلیاں ہیں

یہ سازش تو ہوا کی ہے ، ہمیں کچھ بھی نہیں کہنا

۔۔۔

نہ جینے کے لئے جینا، نہ مرنے کے لئے مرنا

یہ کیا صورت سزا کی ہے ، ہمیں کچھ بھی نہیں کہنا

واپس جائیں