فروغِ امن کہوں یا فروغِ ظلمتِ شب

ونسینٹ پیس عصیم غزلیات مطالعات: 72 پسند: 0

ہے ارتقاء میں تنزل سکوں میں شور و شغب

۔۔۔

عجیب رنگ مرے روز و شب نے ہے بدلا

ہے سنگباری کہیں اور کہیں ہے قہر و غضب

۔۔۔

محبتوں کی زبانوں کو کس نے کاٹا ہے

ہوس کی پوجا میں کتنا ہے بے زبان رہب

۔۔۔

کہاں پہ امن ملے اور کہاں امان ملے

کہ جل رہا ہے سرِ شہر اب تو نظمِ ادب

۔۔۔

مرے عزیز مرے شہر کے سبھی ہمدم

یہ جانتے ہیں کہ میرا نہیں ہے میرا رب

۔۔۔

عجیب دِل میں سمائے ہوئے ہیں دیوانے

محبتوں سے ہے معمور اُس کا قہر و غضب

۔۔۔

ہے میرے سانس میں رگ رگ میں اور دھڑکن میں

وہ عشق، عشقِ عصیمؔ اور داستانِ طرب

واپس جائیں