Fakhta Foundation

یہ کون ہے؟

ثمینہ گل وفا نظمیں مطالعات: 51 پسند: 0

یہ کون ہے؟
۔۔۔
یہ کیا ہوا کہ ہوا نے میرے
دلِ حزیں کے
تمام در خود ہی وا کیئے ہیں
میری نگاہوں میں اک عجب سی جو روشنی ہے
یہ روشنی کس طرح سے
کہاں سے آئی خبر نہیں ہے
یہ کون چپکے سے دل میں آ کے مکیں ہوا ہے
یہ کس نے میری تمام سانسوں کو اپنی سانسوں میں قید کرکے
امر کیا ہے
یہ کون ہے جو زبور جیسی چمکتی آنکھوں سے دیکھتا ہے
تو میرے سارے وجود میں
اک روشنی اترتی ہے دھیرے دھیرے
یہ کون ہے جو مقدس انجیل کی طرح سے
تمام لفظوں میں سچ ہی سچ ہے
یہ کون ہے جو خدائے عشاق کا فرستادہ آدمی ہے
کہ جس نے میرے روئیں روئیں میں
خدا کا پیغام بھر دیا ہے
مری وفا کو امر کیا ہے
شجر کو جوں باثمر کیا ہے
یہ کون ہےجو تمام لمحوں میں رہ رہا ہے
جو عشق کے بھی معانی مجھکو بتا رہا ہے
جو مجھکو وہ سارے رستے دکھا رہا ہے
جو میری سوچوں سے ماورا تھے
یہ کون ہے اے خدائے واحد
بتا دے مجھ کو

واپس جائیں

یہ بھی کیا رفاقت ہے؟ آنکھوں میں بسا لینے کی خواہش

فاختہ بائبل اسٹڈی ٹولز

جلد متوقع مشمولات

یہ کون ہے؟

ثمینہ گل وفا کی مزید نگارشات

اشعار

صریرِ خامہ

غزلیات

قطعات

نظمیں