آنکھ ہر لمحہ نئی ھلوہ فشانی مانگے

نذیر قیصر غزلیات مطالعات: 35 پسند: 0

آئینہ خانہ وہی شکلیں پُرانی مانگے

۔۔۔

کب اُفق پھیلیں گے ، کب پُھول کھلائے گی کرن

آسمانوں سے زمیں کوئی نشانی مانگے

۔۔۔

گُلِ مضمونِ دُعا، کنجِ خموشی میں کِھلے

جس طرح پیاسا کوئی خواب میں پانی مانگے

۔۔۔

چہرہ کہتا ہے کہ آئینے میں پتھرائے رہو

چشمِ آوارہ صفت نقلِ مکانی مانگے

۔۔۔

نقش وہ کھینچ جسے رنگ ملیں دُنیا سے

لفظ وہ لِکھ جو زمانے سے معافی مانگے

۔۔۔

تُو وہ یکتا کہ تیرا مثل نہ ٹھہرے کوئی

میں وہ آئینہ کہ تُجھ سے تیرا ثانی مانگے

واپس جائیں